Ексдиректорот на УБК, Сашо Мијалков дел од скандалозната телеграм група “Јавна Соба” во која се споделуваа нелегално стекнати порнографски материјали од Македонија – покажува истражувањето на “Лидер”.
Новинари на “Лидер” повеќе од еден месец беа инфилтрирани во групата во која се споделуваа експлицитни материјали преку руската социјална мрежа “Телеграм”.
Во последниот период групата имаше повеќе од 7000 членови а еден од нив беше ексдиректорот на УБК, Сашо Мијалков. Проверката покажа дека тој бил вклучен преку акаунт со телефонски број кој на новинарите им е познат како негов.
По обелоденувањето на скандалот во медиумите, Мијалков излезе од групата.
Чудно е што во истиот период, акаунт на руската социјална мрежа “Телеграм” отвори и вицепрот Бујар Османи.
Од Министерството за внатрешни работи денеска соопштија дека полицијата отвора истрага за случајот “Јавна Соба”.