Во вчерашната емисија на 1ТВ, Кочо Анѓушев, вицепремиер за економски прашања призна дека оваа влада е две години на власт и веќе е неумесно да се говори што сработила претходната влада. Како што вели тој владата предводена од СДСМ не смее повеќе да се вади на нешто што било претходно, бидејќи тие се две години на власт, што е голем период во кој многу работи можеле да бидат завршени.
Оваа влада е веќе две години уште малку до јуни и мислам дека е неумесно е да ние уште викаме тоа што претходната влада не направила. Не тоа веќе е завршено, тоа можевме на почетокот така, сега веќе ние треба да кажеме што сме направиле, нагласи Анѓушев.