По работната агенда во Битола, Груевски попладнево прошета на Широк Сокак.
Претседателот на ВМРО-ДПМНЕ Никола Груевски, кој денеска беше во посета на Битола, попладнево прошета на Широк Сокак во друштво на пратениците на ВМРО-ДПМНЕ од Битола, како и членови на општинскиот комитет на партијата од овој град.
Груевски можеше да се забележи во едно од битолските кафулиња, каде се дружеше на кафе муабет со подмладокот на ВМРО-ДПМЕ од Битола.
Претходно, Груевски посети дел од инфраструктурните проекти што ги реализира локалната самоуправа – некои самостојно, а дел почнати со поддршка на Владата раководена од неговата партија.
Груевски го посети основното училиште „Елпида Караманди“ каде по 37 години се врши сериозно реновирање на училишната спортска сала, како и реновираната спортска сала „Младост“ која, исто така, беше дел од програмата на ВМРО-ДПМНЕ. 
За време на посетата на Битола Груевски ја посети и поранешната касарна во која општината вложила околу 3,5 милиони евра за изградба на нова населба.
