Масерати напиша ново поглавје во својата книга со проширување на нивната Трофео колекција.
Масерати ги претстави новите верзии од веќе познатите Гибли,Кватропорте и Леванте модели, кои со новиот Трофео пакет се одликуваат како врвот на преформанси, спортско возење и луксуз.
За да се обележи чистокрвното Италијанско потекло, боите избрани за Трофео колекцијата се преземени од Италијанското знаме; Зелено за Кватропорте, бела за Леванте и црвена за Гибли, кои комбинирани со хромираните и црвени акценти даваат специфично агресивен и елегантен изглед.
Под хаубата на сите три модели лежи V8 мотор со два турбо полначи од 3.8 литри кој испумпува 580 коњски сили при 6,250 вртежи во минута и максимум вртежен момент од 730 Nm.
Моторот се изработува во седиштето на Ферари, Маранело – специјално по нарачка на Масерати. Гибли и Кватропорте можат да се пофалат со титулата на најбрзи седани, со максимална брзина од 326 километри на час, додека максималната брзина на Леванте е 302 километри на час.