Обвинителството за гонење на организиран криминал и корупција ќе се жали против пресудата за Зоран Ѓорѓевски, советникот на поранешниот технички министер за внатрешни работи Наќе Чулев, на кого му е изречена условна осуда, откако го нападна полицискиот началник Зоран Талев на денот на парламентарните избори на 15 јули во Тетово.
Против него следуваше кривична пријава за насилство и малтретирање во служба, а беше и суспендиран од работното место. МВР потоа го отпушти поради напад над свој колега.
-На рочиштето одржано на 20.01.2020 година во Основниот кривичен суд Скопје, по признание на вина обвинетиот Зоран Ѓорѓевски е огласен за виновен и му е изречена алтернативна мерка – условна осуда, односно казна затвор од 2 години која нема да се изврши доколку обвинетиот во рок од 5 години од правосилноста на пресудата не стори ново кривично дело, гласи условната пресуда за Ѓорѓевски.
Од обвинителството велат дека според Кривичниот законик за кривичното дело Насилство од член 386, став 3 е предвидена казна затвор од шест месеци до пет години.