Експретседателот на градската организација на СДСМ, Љупчо Палевски, на неговиот фејсбук профил обвини дека од тајната служба, Управата за безбедност и контраразузнавање, го снимале денешниот протест на иницијативата „Ние сме Македонија“, кој се одвиваше на плоштадот Македонија.
Палевски, кој протестираше заедно со граѓаните, објави фотографија на која се гледа како човек облечен во црна јакна од врвот на една од околните згради го снима протестот.
-Од телевизии, само УБК присутни – напиша Палевски на фејсбук.
Во исто време, Палевски објави и фотографија од дрон кој го снима протестот и го прозваше амбасадорот на Соединетите Американски Држави, Џес Бејли.
-Бејли на митинг присатен – напиша Палевски.
На денешниот протест, незадоволните граѓани кои се против промената на името на Република Македонија побараа оставка и од владата и премиерот Заев.