Израелските власти денеска го ослободија палестинскиот затвореник Кајед Фасфус, две недели по потпишувањето на спогодбата за ослободување со која заврши неговиот маратонски 131-дневен штрајк со глад, соопшти Клубот на палестинските затвореници.
Фасфус (32) остана во израелската болница од крајот на штрајкот на 23 ноември, објави АП.
Палестинскиот затвореник Кајед Фасфус е еден од шесте затвореници кои започнаа штрајк со глад во знак на протест против контроверзната израелска политика на „административен притвор“, која дозволува осомничените да бидат држени на неодредено време без обвинение.