Американската армија се подготвува да ја пробие руската одбрана на Крим, пишува ветеранот на НАТО, Ставрос Атламазоглу во текст за „Бизнис инсајдер“.
Тој цитира извадоци од извештајот на американската команда за специјални операции (USASOC). Според документот, современите специјални служби треба да имаат неколку клучни цели. Меѓу целите е поддршка за обичните воени единици во близок конфликт, како и можност за пробивање на забранети објекти длабоко во непријателска територија .
Според него, најважната мисија на американските сили за специјални операции (SSO) е способноста да се пронајдат и уништат A2AD системите. Станува збор за копнени противбродски ракети, оперативно-тактички ракетни системи, радари и системи за противвоздушна одбрана.
„Силите за специјални операции ќе играат клучна улога во ликвидацијата на руските системи А2АД на полуостровот Крим и кинеските системи во Јужното Кинеско Море“, пишува Атламазоглу.
Според експертот, противвоздушните системи, противбродските ракети и радарите ќе ги негираат предностите на вооружените сили и моќната американска воздушна флота, освен ако американските специјални единици не успеат да ги попречат овие системи.
Ако успеат да ги надминат, ќе им овозможат на морнарицата и армијата на земјата да спроведуваат операции во чувствителните региони и да дејствуваат со полна сила, резимира колумнистот.