Земјотрес со магнитуда од 4 степени според Рихтер беше почувствуван во Охрид, а голем дел од Охриѓани ги напуштија своите домови.
Земјотресот бил регистриран во 11 часот и 39 минути, а епицентарот на земјотресот е на 10 км источно од Охрид и потекнува од охридското епицентралното подрачје.
Според досегашните податоци земјотресот беше почувствуван во Охрид и околината со интензитет од 6 степени според Европската Макросеизмичка Скала, во Ресен и Струга со 5 степени, а во Битола земјотресот беше почувствуван со итензитет од 3-4 степени според истата скала.