Хрватска е еден од „фундаменталните партнери на Русија во ЕУ“, изјави Дмитриј Патрушев по десеттата меѓувладина хрватско-руска комисија за економска, научна и техничка соработка. Дмитриј Патрушев е син на Николај Патрушев, секретар на Советот за безбедност на Русија и близок соработник на претседателот Владимир Путин.
Патрушев рече дека Русија и Хрватска најмногу соработувале во енергетиката, инфраструктурата, здравството и образованието и дека потенцијалот за соработка во земјоделството е голем.
Според податоците на Хрватската стопанска комора, трговската размена меѓу Хрватска и Руската Федерација се зголемила од 160 милиони долари во првата половина на 2020 година на 291 милион долари во првите шест месеци од 2021 година.
Патрушев додаде и дека разговарале за можна соработка во борбата против пандемијата и се согласиле државните институции да работат на взаемно признавање на сертификатите за вакцинација.