Носителот на листата во првата изборна единица на коалицијата „За подобра Македонија“ предводена од ВМРО-ДПМНЕ, Никола Попоски ги најави трите планирани подземни сообраќајници кои се предвидени за следниот мандат на ВМРО-ДПМНЕ.
-Тука зад нас ќе биде едната од трите подземни сообраќајници кои се планирани во следната програма. Оваа сообраќајница ќе се протега од Народна банка на РМ до Владата на Република Македонија. Предвидена е на две нивоа раскрсница кај Судската палата и Мавровка и третата подземна сообраќајница е на потегот на Јужниот булевар, изјави Никола Попоски.
