Како што јавува МИА, фудбалерот Мартин Јанушев тешко е повреден во оружен инцидент на улицата „Владимир Комаров“ во скопската општина Аеродром.
Очевидци за агенцијата велат дека фудбалерот е погоден со четири до пет куршуми во пределот на главата и вратот. Случајни минувачи го сместиле повреденото лице во приватно возило и го транпортирале во непознат правец.
Полициски екипи се веќе пристигнати на терен, а напаѓачот е во бегство.
Еден од дуќанџиите кој бил очевидец на настанот со сопствениот автомобил го земал Јанушев и го префрлил во приватна болница каде во моментов му се врши операција за отстранување на проектилите.