По атентатот врз лидерот на Доњецка Народна Република, Александар Захарченко, Кремљ очекува нови борби во воената зона на источна Украина. Портпаролот на претседателот Путин го нарече атентатот “провокација”.
Убиството на Алаександар Захарченко, лидерот на Доњецка Народна Република во Украина претставува провокација и го поткопува мировниот процес, истакна денеска портпаролот на Кремљ, Дмитриј Песков.
„Тоа без сомневање е провокација. Смртта на Захарченко во секој случај ќе ги зголеми тензиите во регионот“, рече Песков.
Тој уште оцени дека убиството ќе му наштети на мировниот процес покренат со договорите од Минск во 2015 година под покровителство на Германија и на Франција.
42-годишниот лидер на проруските бунтовници во областа Доњецк загина вчера во експлозија во ресторан во центарот на Доњецк.