Започнува последната недела пред првиот круг од претседателските избори во земјава. Според агендата, кандидатот на ВМРО-ДПМНЕ, Гордана Силјановска-Давкова, денеска ќе има митинзи во Валандово и Гевгелија, Блерим Река, поддржан од БЕСА и Алијанса за Албанците ќе има средба со граѓаните и митинг во Битола, а Стево Пендаровски од владејачката коалиција ќе биде во Куманово.
Од Скопје викендов кандидатот на ВМРО-ДПМНЕ, Гордана Силјановска-Давкова и кандидатот на владејачката коалиција, Пендаровски упатија свои пораки кон гласачите, а Блерим Река, поддржан од БЕСА и Алијанса за Албанците, се обрати од тетовско Желино.
Кампањата ќе трае до 19 април, по што следува 24 часовен изборен молк, а првиот круг од гласањето ќе се одржи в недела, на 21 април.