Во основното училиште „Истикбал“ во Тетово е прекинат процесот на запишување на учениците од прво одделение откако еден од наставниците бил позитивен на коронавирус. Директорот Реџеп Алили за Алсат изјави дека заедно со уште 39 наставници се во самоизолација поради контакт со колегата.
Постепено ќе бараме тестирање на оние за кои мислиме дека имале контакт со ова лице. Родителите исто така ќе бидат известени преку нивните адреси, телефонски броеви и електронски пошти. На 15 јуни ќе продолжиме со уписот на првачињата. Комисијата за прием на ученици и заразеното лице немале никаков контакт со родителите кои доаѓаа да ги запишуваат своите деца, рече тој.