Кинеската компанија Huawei го сели својот истражувачки центар од САД во Канада поради американските санкции кои ја зaгpoзyвaат нејзината работа. Директорот на компанијата, Рен Женгфеи, изјави дека рестрикциите би го спречиле Huawei да комуницира со вработените во САД. Рен не прецизира колку работни места ќе се укинат со оваа одлука.
Huawei е еден од најголемите светски производители на паметни телефони, а управува со истражувачки и развојни центри во Силиконската долина и во Калифорнија. Компанијата во јуни годинава потврди дека го намалува обемот на работа во САД поради американските санкции.
Имено, САД во мај годинава го ставија Huawei на црната листа со пет кинески организации кои се занимаваа со суперкомпјутинг и го означија како зaкaнa за американската бeзбeднocт. Со тоа го спречија пристапот за кинеската компанија до доверлива технологија. Тоа значи дека американските компании не смеат ништо да му продадат на Huawei без одобрение од американската власт.