Ова е шестиот и последен воз од инвестицијата на Владата вредна 25 милиони евра за обнова на возовите во железницата, информира министерот за транспорт и врски Владо Мисајловски преку својот Фејсбук профил.
-Моментално возот се наоѓа на пристаништето во Солун и се очекува веќе следната недела да пристигне во Република Македонија. Со ова ќе ја заокружиме инвестицијата со која веќе ги подобруваме услугите во железничкиот транспорт, напиша Мисајловски.
