Кремљ денес соопшти дека рускиот претседател Владимир Путин оди во Париз на церемонијата за одбележување 100 години од завршување на Првата светска војна, каде ќе присуствува и Доналд Трамп, но дека нивна средба не е предвидена.
Советникот на Путин за надворешна политика Јуриј Ушаков истакнува дека Путин ќе престојува во Париз на 11 Ноември.
Запрашан дали може да се сретнат Путин и Трамп, Ушаков истакнува дека немало разговор за нивна можна средба. Путин и Трамп се сретнаа во Јули во Хелсинки, по која средба американскиот претседател беше соочен со критики дека не се спротивставил на Путин во врска со обвинувањата за руското мешање во американската кампања 2016 година.