February 29, 2024, 11:44 pm

Пpepaбoтyвaчитe пpeдyпpeдyваат на скок на цeнитe зa 50% – Бектеши вeли aкo тpeба ќe интepвeниpaат

Поврзано

- Advertisement -
- Advertisement -

Ако е потребно, ќе ги искористиме механизмите за да нема ценовни шокови, изјави денеска министерот за економија, Крешник Бектеши во врска со вчерашното предупредување на преработувачите дека храната драстично ќе поскапи.

Бектеши по средбата со дел од еснафот на Старата скопска чаршија нагласи дека состојбата будно се следи.

-Будно ја следиме ситуацијата во делот на глобалниот ланец на снабдување, посебно со прехранбените производи. Тоа го покажавме и во време на пандемија. Секако има механизми, посебно ако се повикаме на Законот за трговија каде што за основните производи може да донесеме одлуки во делот на замрзнување на одредени цени, било тоа да се цени во прехранбените производи или суровини кои се увезуваат или се продаваат директно во голема и мала продажба, рече Бектеши.

Драстично поскапување на храната, во некои сектори и од 40 до 50 отсто, вчера најавија преработувачите кои побараа итна средба со вицепремиерот Фатмир Битиќи за изнаоѓање соодветни решенија кои би го ублажиле ударот од ценовниот шок врз потрошувачите.

На прес-конференција во Стопанската комора, вчера, тие предупредија дека цените само на сувомесните производи се очекува да се зголемат за 20 – 40 проценти, но зголемување на цената ќе има и кај лебот.

Средбата на Битиќи со стопанствениците е закажана за попладне.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This