Поддршка за иницијативата „За заедничка Македонија“ стигна и од Мелбурн каде група граѓани се собраа со протести против Тиранската платформа се со цел да се задржи суверенитетот и унитарноста на Македонија.
Македонците во Австралија со македонски знамиња, пароли и натписи протестираа и порачаа дека нема да дозволат да се променат името, знамето, химната и државниот грб.
Мелбурн е еден од многумината градови каде што Македонците досега излегоа на протести и застанаа во одбрана на унитарноста на Македонија, против Тиранската платформа која е вовед во редефинирање и федерализација на државата.
На Македонците кои протестираа во Мелбурн поддршка им даде и Руската дијаспора, која во голем број се приклучи на протестите против „Тиранската платформа“.
