Вистински хаос се случува во студентските домови, а директорот и новата власт не сакаат да слушнат ниту да ги видат проблеите на студентите. Уште помалку за состојбата се загрижени т.н. „студентски пленуми“ кои во изминатите две години, додека СДСМ беше опозиција беа исклучително активни, речиси ексклузивно по нарачка на тогашната опозиција
Ручек како помија за стока, така изгледа менито на студентите во домот „Стив Наумов“, се вели во реакцијата до нашата редакција.
„Редовно ни даваат недоварени, или некогаш преварени макрони со сомнително потекло, а ништо чудно ако на истите им е изминат рокот. Често се случува да најдеме коса, влакна, инсекти и мувла во доручеците. Катастрофа!“ – вели еден од студентите кој сакаше да остане анонимен, бидејќи од управата можеле да му се заканат со бркање од домот.
Ова се само дел од коментарите, кои се охрабрија да напишат по некој коментар на објавата за катастрофалниот ручек, или како што го нарекуваат студентите, помија.
Состојбата е алармантна, а т.н. студентски пленум го нема никаде со никаква реакција, додаваат студентите, најверојатно затоа што тие кои беа активни во истиот сега се вработени и вдомени од сегашната власт, па заборавиле на студентите.