Поранешниот директор на Фондот за здравство Сашо Стефановски, не е приведен во полициска станица. Информацијата која претходно беше објавено од интернет порталите е неточна.
Стефановски се јави во редакцијата на Република и потенцираше дека воопшто не е точна информацијата дека тој е приведен во полициска станица. Според него очигледно станува збор за тенденциозно пласирање на лажни вести, т.н. „фејк њус“.
Инаку, како што веќе објавивме, утринава уапсени беа поранешниот директор на Бирото за јавна безбедност во МВР, Митко Чавков, велешанецот Горан Ангелов, претседател на здружението „Ќосето“, докторот Љубен Арнаудов, пратеникот Крсто Мукоски и пратеничката Жаклина Стефановска, актерот Владо Јовановски и оперскиот пејач Игор Дурловски.