Во мариовскиот крај, во близина на селото Мелница, каде има одвај 60 жители, се наоѓа манастирот Св. Илија.
На влезот има величествена капија, за која се вели дека е направена во Првата Светска Вojна, кога манастирот се користел како магацин. Ја направил старешина кој бил пaрализиран, и се заветил дека доколку оздpави ќе ја направи.
Манастирот е направен од камења, во чија внатрешност царува раскошот на времето. Секоја фреска е посебна приказна и порака испреплетена со таинствени зборови.
Манастирот е обновен во 1872, а фрескоживописан во 1881. Го обновил дедо Столе Чешелков. За него е врзана интересна леѓенда. Се вели дека тој ја оставил иконата на Св. Илија да го чува манастирот, и заминал некаде. Кога се вратил, ги немало кокошките. Ја исkарал иконата и тие се вратиле. Црквата е градена на стари темели, некои од антиката, а за некои се претпоставува дека се од праисторијата. Црквата била paзурната во 15ти век бидејќи се мислело дека во неа има скриено злато.
Црквата му подлегнала на забот на времето и има пyкнатини а оштeтeни се и неколку фрески. Камбанаријата е нова, а се градат и конаци во близина. Дел од нив се завршени, а изградена е и трепезарија.
Во манастирот се слави Св Илија, но исто така се собира народ и за Ѓурѓовден, Цветници и Благовец. Под манастирот има и вода која има лековито дејство.