Пратениците по 10 дена одмор не успеаја да се соберат денеска во Собранието во 12 часот, кога требаше да започне продолжението 27. седница на која што, меѓу другото, требаше да се бираат уставни судии. Поради немање кворум, почетокот на седницата доцни, салата е сè уште празна, освен галеријата, каде што се новинарите.
Денеска во Собранието треба да се гласа и за измените на Законот за заштита на сведоци, побарани од СЈО, како и за законот со кој се укинува Советот за утврдување на факти и покренување на постапка за утврдување одговорност за судија, по скратена постапка.
Собранието денеска вкупно треба да одржи продолженијата на шест пленарни седници, а на дневен ред треба да се најде и Законот за употреба на јазиците.