Фолк пејачката Елена Велевска по десет години брак се разведува од сопругот Марјан, со кого има три малолетни деца. Прилепчанката, која откако стапи во брак со Марјан се пресели во неговиот роден Охрид, со отворено писмо до јавноста ги открива причините за разводот.
Велевска истакна дека се разведува поради семејното насилство кое станувало неподносливо. Таа повеќе пати се обидела да му даде шанса на својот сопруг и вели дека секоја жена се надева и посакува брачните проблеми да бидат решливи, но таа повеќе не можела да го издржи насилството кое нејзиниот сопруг го вршел врз нејзе.
