Весна е старословенска божица на младоста и пролетта. Таа имала власт над сончевата топлина и обновувањето на природата. Зборот Весна на руски јазик во превод значи пролет и младост.
Весна, Словените ја доживувале како убава, насмеана млада девојка која била накитена со венци и била облечена во бел фустан. Косата ѝ била украсена со цветни ѕвончиња, а во долниот дел на половината имала голем цветен венец.
Етимологијата на името на божицата Весна ни го дава Крек на тој начин што нејзиното име го доведува во врска со староиндискиот збор – вас – што значи да биде јасен, светол, светлост. Весна т.е. „светло или годишно време, кое донесува светлост (ведрина)“.