Пратеникот на Алтернатива, Скендер Реџепи денеска на својот фејсбук-профил објави дека се повлекува од координатор на пратеничката група на Алтернатива/ Алијанса за Албанците, за што утре ќе го извести претседателот на Собранието Талат Џафери.
„Врз основа на новите политички случувања и одлуката на Централното собрание на Алтернативата, ние како политички субјект да се приклучиме на извршната власт и на парламентарното мнозинство, утре и официјално ќе го известам претседателот на Собранието на Македонија, за оставка како координатор на парламентарната група ASH/AAA.
Нашето дејствување како пратеник на Алтернативата ќе биде воспоставено согласно новиот договор за парламентарно мнозинство.
П.С.
Почит до сите пратеници на Коалицијата и ви благодарам за досегашната соработка и добрите меѓучовечки односи3“, соопшти Реџепи на социјалните мрежи