Детскиот културен центар (ДКЦ) „Карпош“ и Град Скопје организираат априлијада под мотото „Скопје се смее“. Манифестацијата ќе се одржи на 1 Април 2019 год. (понеделник) од 11.00 до 16.00 часот на плоштад „Македонија“, а се најавува како голема детска журка.
Поканата се однесува за сите училишта, градинки, деца, тинејџери и граѓани на град Скопје.
Забава со маски, песнички, игри, забава со модерен балет и останатите секции на ДКЦ „КАРПОШ“, Златно славејче, танцови групи од основните училишта, фотографирање на голем фото ѕид заедно со супер хероите: Спајдермен, Ајронмен, Супермен,Бетмен.
Учество ќе земат и децата кои ги освоија нашите срца, а освојуваат и многубројни награди и врвни признанија во својата категорија, а тоа се децата со Даунов синдром од Трисомија21.
Оваа година плоштадот ќе биде поделен во неколку зони каде ќе има нај различни активности за посетителите.
Организаторите на настанот најавуваат и други изненадувања, па затоа ќе мора да дојдете и да ги видите.
Бонус забава од 16.00 до 19.00 исто така на Плоштад Македонија со малдите таленти:Мина Блажев, Елита Зибери и Лина Пејовска, како и еминентните музички уметници:Александар Митевски, Арбен Бени Шаќири и музичкото училиште Music House. Забавата продолжува со DJ Ampov за сите „големи деца“ од 17.00 часот на Плоштад Македонија.
Водител на настанот ќе биде неповторливиот Мартин 99 Трпчевски.