Опозициската партија „Има таков народ“, која освои најмногу гласови на изборите во Бугарија, ја искористила песната „Мафијаши збогом“ како неофицијална химна во нивната предизборна кампања, која е обработка на хитот на Чолиќ „Пусти моду“, пренесува „Новости“.
Песната „Пусти моду“, чии автори се Горан Бреговиќ и Корнелије Ковач, објавена на албумот на нашиот познат пејач „Због тебе“ од 1980 година, била многу популарна пред неодамнешните избори во Бугарија.
Точно, нејзиниот текст е различен, наместо да ѝ се обрати на девојката која изгледа како „кукла од Трст“, во бугарската верзија таа се занимава со обвинувања за криминал и политиката во таа земја, но музиката е иста. Бугарската верзија ја отпеале Слави Трифонов и „Ку-ку“ бенд.
Почитичката партија на Трифонов по пребројувањето на 98,92 проценти од гласовите освои 23,91 проценти од довербата на граѓаните, додека сегашната владејачка партија „ГЕРБ“ на премиерот Бојко Борисов освои 23,69 проценти од гласовите.
