Партијата Сојуз на Ромите на Амди Бајрам ги демантира тврдењата на некои опозициски портали дека нивниот лидер бил уапсен поради вчерашните случувања во Кавадарци. КУРИР се интересираше за веродостојноста на информациите кои се појавија вчера, за што став побаравме од потпретседателот на СРМ.
Од пaртијата велат дека ќе покренат кривични пријави за клевета. Соросовите медиуми постојано во пресрет на изборниот ден лажат и креираат тензии.
-Не е точно дека Амди Бајрам бил уапсен, тој беше на митинг вчера, имавме наш митинг во Шуто Оризари и Амди имаше говор пред повеќе од 10 илјади луѓе. Неточните информации беа објавени од „Цивил“ и од „Либертас“ и најавуваме дека во понеделник ќе бидат покренати кривични пријави за клевета и против „Цивил“ и против „Либертас“, вели потпретседателот на Сојузот на Ромите, Ибраим Ибраими.
Ибраими додава дела испратиле демант до Либертас, но истиот не бил објавен од нивна страна и нaгласува дека нивните соопштенија постојано се испревртуваат од опозициските медиуми.