Шведската армија ќе добие опрема од Србија – воени чизми, а првиот камион ќе замине оваа недела.
Директорот на компанијата Тигар АД, Владимир Илиќ, за Танјуг изјави дека оваа недела првиот камион ќе замине од Пирот за Шведска и ќе продолжи со испораките во јануари и февруари.
„Ова се договори кои се важни за нашиот углед како производител. Ја завршивме испораката за финската армија и ќе продолжиме со испораките следната година. Нашите големи клиенти веќе ги потврдија нарачките за следната година и мислам дека ќе имаме континуитет во нашата работа и следната година. За шведската армија произведуваме специјална верзија на воени чизми кои се специфични по тоа што можат да издржат температура до 40 степени под нулата и се прилагодени на скиите што ги користат војниците од тие земји“, рече Илиќ.
Компанијата со седиште во Пирот, која преживеа благодарение на државната помош, се соочува со приватизација и моментално вработува 1.250 работници кои работат со полн капацитет.