Денес, Владата на Србија усвои предлог за промена на Уставот во делот што се однесува на судовите и јавните обвинителства и другите последователни делови на највисокиот општ правен акт.
Според соопштението од денешната седница на Владата, со оваа иницијатива, Владата и Министерството за правда ја потврдија нивната цврста посветеност за спроведување на реформските процеси и исполнување на активностите од ревидираниот Акционен план за Поглавје 23 во преговорите за пристапување кон Европската унија.
Предлогот се однесува на измени во одредбите на член 4 од Уставот и одредби кои се однесуваат на судовите и јавните обвинителства (членови 142-165). Соодветно на тоа, се менуваат одредбите од член 99 – надлежност на Националното собрание, член 105 – начин на донесување одлуки во националното собрание и член 172 – избор и именување судии на Уставниот суд.
„Промената на Уставот во областа на правдата е неопходен чекор за понатамошно зајакнување на владеењето на правото и понатамошно усогласување со европското законодавство и стандардите“, се вели во соопштението.