Осум судови во државата не успеале да го совладаат приливот на нови предмети во 2016-та година.. Основниот суд Скопје 2, судовите во: Куманово, Неготино, Кичево, Тетово, Берово, Виница и Радовиш покажале негатива во работата.. Ова го открива извештајот од предметното работење на судовите во текот на минатата година кој денеска го разгледуваа врховните судии на Општа седница.. Според претседателот на Врховен, работата на судовите во 2016-та година покажува ажурност – за судовите кои не успеале да го совладаат приливот, вели дека тоа се должи на помалиот број судии па затоа проблемот се решава со делегирање на судии од други градови..
Според бројот на решени предмети, најдобри резултати покажал Основниот суд Скопје 1 – овде имало и најголем прилив на новопримени предмети..
Кај основните судови во внатрешноста на државата, најмногу предмети решил гостиварскиот, а потоа следуваат кумановскиот, струмичкиот и битолскиот суд..
Меѓу четирите Апелациони судови, според бројот на завршени предмети најдобри резултати покажал Апелациониот суд Скопје кој е и најголем во државата..
Инаку на денешната општа седница на Врховниот суд се разгледуваше работата и на Управниот и Вишиот Управен суд..