Големото дерби на македонската кошарка меѓу Работнички и МЗТ Скопје Аеродром не го дочека крајот откако беше прекинато на 3 минути пред крајот на третата четвртина со водство од 62:50 за домаќините.
Третата четвртина беше одбележана со два прекини, а по вториот судиите побараа да се испразни делот од трибината каде што беа навивачите на МЗТ, нешто што не се бара првпат на овие „вжештени“ натпревари.
По паузата од 15-тина минути, навивачите на МЗТ уште беа во салата, по што судијата реши мечот да продолжи утре без публика, во уште еден пораз на македонската кошарка.
Фото: Sportmedia.mk