Федерер ги откри посебните ритуали со сопругата Мирка за натпреварите

Најдобриот швајцарски тенисер Роџер Федерер, даде исклучително интересна изјава за неговата сопруга Мирка Вавринец.

Роџер и Мирка се во среќен брак од 2009 година. Мирка професионално се занимаваше со тенис до 2002 година, а најдобриот резултат во кариерата го оствари во 2001 година, кога стигна до третото коло на УС ОПЕН, а таа година го оствари и најдобриот пласман на ВТА листата, на 76. место.

Швајцарскиот тенисер обожава кога сопругата е со него на турнирите:

„Таа е мојата жена, едноставно јас не сум тој кога таа не е тука. Дури и кога е лошо или добро, таа е секогаш со мене. Сега е повеќе фокусирана на децата отколку на мојот тенис. Се случува некои денови да не знае ни со кого играм. И се јавувам по натпреварот, а таа ме прашува дали победив. Таа добро ме познава, и знае како се чувствувам телефонски односно дали сум добар. Таа знае што е потребно за мојот успех. Затоа ми е драгоцена и тоа мојот тим го знае“, истакна Федере.

Швајцарецот има 4 деца со сопругата Мирка, близацните Мила Роуз и Шарлин, и тригодишните близнаци Леа и Лени.