Руските деминери на задача во Алепо направија сензационално откритие оваа недела, откривајќи складиште со оружје оставено од анти-владините милитанти, полно до врв со муниција за тешко вооружување за оружје произведено од земји како САД, Германија и Бугарија
Мајорот Иван Громов, командир на деминерската група, за „Росија 24“ телевизискиот канал изјавил дека групата пронашла муниција од западно производство, од висококалибарски куршуми, до муниција за лесно вооружување, артилериски проектили и ракети. Тешките проектили главно се произведени во САД, Германија и Бугарија, додал Громов. Во сензационално откритие, тимот на Громов и локалната про-владина милиција исто така пронајдоа и фабрички нови 122 милиметарски минофрлачки проектили, рачни гранати и ракетни фрлачи, проектили за ракетни системи и проектили за хаубица. Изворот на многу од овие оружја е јасно назначен, а некои од кутиите се означени со стикери „Од САД за заедничка одбрана“.
Руските деминери во Алепо пристигнаа на крајот на Декември. Оттогаш, имаат исчистено околу 1.000 хектари, вклучително и околу 350 километри патишта и 2.149 згради од експлозивни направи. Вкупно 14.700 експлозивни направи се пронајдени и деминирани.