Николетина Панева од Свети Николе е уште еден член на СДСМ, кој е награден со грант од Фондот за иновации. На нејзиниот профил на Фејсбук може да се види дека таа активно учествува во Форумот на жени на владејачката партија во Свети Николе.
Додека партиски подобни кадри се фалат со земени пари од буџет за иновативни идеи, некои се жалат дека со години конкурираат во Фондот за иновации, но нивните барања се одбиени. Таков е случајот со Данчо Стефков.
Тој на Фејсбук напиша дека трипати конкурирал, а во Фондот имал интервјуа дури петпати.
-Во фондот за иновации конкурирав 3 пати, но не добив никаков грант. А целта беше да остварам технолошки напредок и целосно да прејдам во 4К резолуција. Имав најмалку 5 интервјуа од фондот. Можност за отворање 5 работни места. А не барав ни 1/8 од ова што им се доделува на други фирми. На крај “уздај се у се и у своје кљусе,, . Не не бива, епа нема ни да не биде“, напиша Данчо на Фејсбук.
Директорот на Фондот за иновации, Јован Деспотовски, долгогодишен член на СДСМ, ги повика 79-те компании од првиот инвестициски бран, во рок од 15 дена да се изјаснат дали во својата сопственичка структура имаат лице коешто е носител на јавна функција или член на негово потесно семејство.
– Во интерес на јавноста, сакам да потенцирам дека јас како советник за култура во Канцеларијата на премиерот, немам никаков пристап во креирање на економските политики на владата од ниту еден аспект, а најмалку во доделување на државната помош. Јас не сум именуван функционер, туку службеник-советник кој извршува професионални работни задачи исклучиво во областа на културата. Укажувам дека ниту некогаш сум била инволвирана во професионалните ангажмани на членовите на моето семејство, ниту имам намера во иднина да бидам вклучена, ниту пак сум била запознаена со повиците за грантови на Фондот и со одлуките кои комисијата на тој Фонд ги донела. Ги повикувам надлежните институции, да се изјаснат доколку постои какво било нарушување на процедурите или пак конфликт на интерес поврзан со мојот професионален ангажман, напиша Ласкова.
Дека добил грант, односно бил консултант на фирмата што добила грант, се пофали на Фејсбук и членот на СДСМ Никола Мемов.
Грант доби и Весна Кузмановиќ, иако била ангажирана од Фондот да биде консултант да им ги пишува предлог-проектите на другите фирми што аплицирале.
Меѓу фирмите кои добија грант, се најде и фирмата на сопругата на новинарот Горан Михајловски, Искра.