Градоначалникот на Гостивар, Арбен Таравари, тврди дека наследил партизирана администрација во Општината и вработените кои не само што не ги исполнуваат работните задачи, туку и воопшто не се појавуваат на работа. На вчерашната средба со ислениците, Таравари им се пожалил дека е условен да ги задржи на работа овие вработени и дека во спротивно Општината не ќе може да формира Совет.
– Ги употребивме сите средства и продолжуваме да правиме напори и понатаму да не се блокира работата на советот, но од другата страна наидуваме на отсуство на волја, а што се проследува со ирационални барања, како што е да ги задржиме на работа нивните партиски војници кои не само што ништо не работат, туку и воопшто не доаѓаат на работа. Кажете ми, ве молам, може ли тоа да се случи во европските земји каде што вие работите – ги прашал Таравар, иселениците, соопшти прес-службата на општина Гостивар.
Згора над ова, во Владата има уште 1.600 Албанци кои не одат на работа, а земаат плата. И додека генералниот секретар Драги Рашковски покажува мускули на 60 лица Власи, Турци, Срби, Бошњаци и Роми, молчи за 1.600-те Албанци партиски војници, кои исто како и во Гостивар, не само што не ги исполнуваат работните задачи, туку и воопшто не се појавуваат на работа.