Српскиот портал Курир.рс, ги објави цените за новогидишните настапи на балканските музички ѕвезди.
Според овој портал, најскапо платени се Здравко Чолиќ и Дино Мерлин. И двајцата ќе пеат за по 100.000 евра, првиот во Будва, а вториот во Скопје.
Неодамна градоначалникот Петре Шилегов, најавувајќи го Дино Мерлин како главна атракција на новогодишната забава на отворено во Скопје, изјави дека настапот на Мерлин градот ќе го чини 0 денари.
„Малку се ѕвезди на Балканот, а Дино е една од нив. Уште во април го договоривме настапот и очекувам голем број посетители не само од земјава. Најавата е волку рано токму поради тоа, бидејќи сметаме дека така љубителите на Дино од регионот ќе можат навреме да го испланираат дочекот на Нова Година“, рече Шилегов.