Српскиот тенисер Новак Ѓоковиќ лесно го совлада Алехандро Давидович Фокина во осминафиналето на Летните олимписки игри (ЛОИ) со 6-3 и 6-1
Фокина се обидуваше да се одбрани од нападите на Србинот, а за малку Ѓоковиќ можеше да го повреди неговиот ривал поради еден незгоден удар.
Шпанецот беше свесен дека ќе загуби еден поен и излезе само на мрежа за да го збуни Ѓоковиќ, кој испрати незгоден удар и за малку ќе го погодеше ривалот во неговата глава.
Најдобриот тенисер во светот Новак Ѓоковиќ без многу мака го совлада Алехандро Давидович Фокина со 2-0 во сетови, односно 6-3 и 6-1 и избори пласман во четвртфинале на Олимписките игри.
Србинот го доби првиот сет со 6-3, откако во четвртиот гем направи брејк (3-1), кој го задржа до крајот и не му дозволи на противникот да се врати во игра.
Во вториот сет Ѓоковиќ направи три брејка и со 6-1 го нокаутира неговиот ривал, па во четвртфиналето на турнирот ќе игра против Кеи Нишикори.
Brave try from Davidovich Fokina. 😅 #Djokovic pic.twitter.com/teJjaPBrDX
— . (@Ashish__TV) July 28, 2021