Новак Ѓоковиќ триумфално ја почна одбраната на трофејот на УС Опен, откако вечерва без многу мака триумфираше ссо 3-0 против Шпанецот Карбалјес Баена. Српскиот тенисер не одигра на своето вообичаено ниво, но и она што го прикажа беше сосема доволно за да стигне до триумф, за помалку од два часа игра.
Мечот беше израмнет до 4-4 во првиот сет, по што Ѓоковиќ го направи првиот брејк и поведе со 1-0. Потоа тој рутински триумфираше во вториот сет со 6-1, за во третиот повторно да стигне до триумф со еден направен брејк (6-4). Првиот носител го заврши мечот со 24 винер-удари и 30 неизнудени грешки, а во второто коло ќе се сретне со подобриот од дуелот Квери – Лондеро.
Ешли Барти се соочи со неочекувани проблеми на стартот откако губеше со 0-5 на самиот почеток од мечот со Дијас од Казахстан. Таа го загуби првиот сет со 1-6, но се разбуди во вистински момент и направи целосен пресврт (6-3, 6-2) за пласман во второто коло.
За одбележување е и извонредниот настап на ветеранката Венус Вилијамс, која својот нов настап на УС Опен го почна со убедлива победа над Женг од Кина со 6-1, 6-0.