Од утре, четврток (1.04.2021 год) сите студенти кои ги исполнуваат условите за користење на годишен студентски билет за бесплатен јавен превоз треба да поседуваат уредно заверен/продолжен билет за 2021 година.
Во спротивно, во случај на линиска контрола, ќе им биде издаден записник (казна). Во замена на билет не се признаваат индекс, потврда за студент и слично, се вели во соопштението на ЈСП Скопје.
Денеска, среда (31.03.2021 год) истекува рокот за продолжување на важноста на посочениот тип на билет.
ЈСП Скопје заради актуелната ситуација со Ковид-19 излезе во пресрет на студентите и нивните матични факултети и овозможи речиси 5 месеци за продолжување на билетот. Во два наврати рокот беше продолжен, наместо до 31 декември, тој се продолжи до 28 февруари, односно до 31 март, велат од претпријатието.