Нема договор помеѓу СДСМ и ВМРО-ДПМНЕ за рефрендумот и референдумското прашање, брифираат владини извори, додавајќи дека прашањето кое ќе биде пред пратениците е истото она кое го презентираше Зоран Заев, а опозицијата го отфрла како манипулативно и збунувачко
„Речиси извесно е дека ВМРО-ДПМНЕ нема да биде за поддршка на референдумското прашање, ама ќе си одлучат дали ќе повикаат на излезност или не. Сите имаме своја одговорност со кој треба да продолжиме да живееме. За жал, може да ѝ нанесат штета на европската и евроатлантската иднина на државата. Тоа, очигледно, има шанси да се случи“, вели за „Независен весник“ висок функционер на СДСМ.
Од владејачката партија велат дека очекуваат поддршка од 70 пратеници, што не е доволно, бидејќи за распишување на референдум потребни се 2/3 од пратениците да гласаат потврдно, односно 81 пратеник.