Во изјава за медиумите денеска премиерот Зоран Заев рече дека веќе ги има имињата на функционерите коишто планира да ги предложи за испразнетите позиции по чистката во владата и во партијата, пренесе АлсатМ.
Според него, на почетокот од јуни кабинетот ќе ги има првите промени. Во овој контекст, Заев додаде дека процесот не влијаел врз односите со ДУИ.
Во врска со првиот човек на Агенцијата за национална безбедноцт, Заев рече дека во наредните денови ќе се консултира со советници и експерти, додавајќи дека за него сѐ уште нема конкретно име.
Инаку претседателот на Собранието Талат Џафери претходно најави дека реконструкцијата на Владата ќе биде на седница помеѓу 10 и 15 јуни.