До крајот на јули, на сите постари луѓе во Велика Британија ќе им биде понудена вакцина за коронавирусот. Тоа го вели британскиот премиер Борис Џонсон.
Тој посочи дека целта е да се заштити најранливиот дел од населението и да се преземат понатамошни чекори за ублажување на некои од сегашните ограничувања.
Досега, повеќе од 17 милиони луѓе на островот ја примиле првата доза на вакцина – скоро секој трет возрасен. Според планот на владата, постарите лица над 50 години и оние со лошо здравје ќе бидат вакцинирани до 15 април.