Дебар три недели без нов случај на Ковид-19

- Advertisement -

Во Дебар и околината заедно со Центар Жупа од 19 октомври не е регистриран нов случај на болни од ковид-19. Засега никој нема објаснување зошто е тоа така, за разлика од речиси сите други општини каде болеста е во пораст.

Последните два случаи биле регистрирани на 19 октомври, а во текот на тој месец вкупно биле регистрирани четири случаи. Претходниот месец, во септември, како што јавува МИА; имало 112 ковид – позитивни лица, а во август вкупно 357 случаи.

Инаку во овој регион од почетокот на епидемијата во земјава, од ковид-19 починале 80 лица, а позитивни на вирусот биле 1.453 лица.