Министрите за надворешни работи на Австрија, Чешка и Словенија едногласно изразија поддршка за Македонија и Албанија за почеток на преговорите за членство во ЕУ, велејќи дека билатералните спорови не треба да бидат пречка за проширување на ЕУ со Западен Балкан.
Александар Шаленберг МНР на Австрија, Јакуб Куханек на Чешка и Анце Логар на Словенија и во Скопје ја изразија нивната поддршка за почеток на преговорите за членство во ЕУ во јуни годинава. Бугарија пак, уште еднаш ја потврди првичната одлука за блокада на преговорите доколку не бидат прифатени нивните услови.
Кулахнек нотираше дека „не е фер“ една членка на ЕУ да го условува целокупниот процес на проширување на ЕУ поради билатерален спор.
„Ова се клучни времиња, и не можеме да дозволиме да бидеме заглавени поради такви барања“, вели Кулахнек.