Во периодот од 22.30 часот на 08.05.2018 до 01.00 на 09.05.2018 година, од страна на Одделението за безбедност на патниот сообраќај при Секторот за внатрешни работи Скопје беа преземени мерки и активности за спречување на организирање и учество на диви трки на мотоциклисти на улиците „Џон Кенеди“, „Лазо Трповски“ и „2-ра Македонска бригада“.
Притоа, биле регистрирани 15 прекршоци за кои биле издадени 15 платни налози на прекршителите.
Двајца од учесниците немале лични документи и документи за мотоциклите и затоа биле приведени во Полициската станица Бит Пазар за понатамошна постапка.
Секторот за внатрешни работи Скопје ќе продолжи со спроведување редовни контроли за спречување на организирање и учество на диви трки на мотоциклисти во Скопје.