Република Македонија треба да добие датум за преговори. Во претходните две години, државата и Владата направија се што е потребно. Мислам дека Македонија ќе добие датум за почеток на преговори, изјави денеска германскиот амбасадор Томас Норберт Герберих.
Тој смета дека најдобро би било Македонија и Албанија заедно да влезат во Европската Унија, но додаде дека доколку е потребно треба да се размисли за раздвојување за да не се казни една држава поради неисполнувањето на друга држава.
Jас мислам дека најдобра идеја би било да влезат заедно во Европската Унија. Многу е важно Западен Балкан како регион да има заеднички пакет, но доколку е потребно треба да размислуваме и за раздвојување со цел да не kaзниме една земја поради неисполнувањето на друга држава. Сепак е процес за кој треба земјите членки да размислуваат, истакна Герберих, одговарајќи на новинарски прашања на настанот „Запознај ја Преспа“.
Според него, Преспанскиот договор е договор од историски размери кој е многу важен за целиот регион, а во однос на тоа дали ќе има политичка kpиза доколку земјата не добие датум за преговори, изрази мислење дека премиерот Зоран Заев нема да даде оставка, оценувајќи дека во изминатите две години сработил добра работа.
За стабилност на земјата потребно е да остане оваа Влада и да не се планираат нови избори, оцени Герберих.
Изрази задоволство што заедно со францускиот амбасадор Кристијан Тимоние се поканети на настан што се случува токму на денот на одбележувањето на годишнината од Преспанскиот договор.
Францускиот амбасадор Тимоние прашан дали се загpoзува Преспанскиот договор доколку следните избори во Грција ги добие Киријакос Мицотакис, со порака дека не е време за борба, туку за работа.
Треба да направите нови реформи, а потоа ќе видиме што може да се направи, рече Тимоние.