Човекот кој беше кандидат за претседател на „стока народ“, за кого Македонците „таму се собрани во бачило“ небаре се овци, Стево Пендаровски, на овие избори е носител на пратеничката листа во првата изборна единица и ќе му се спротивстави на Никола Попоски, исто така носител на листата во оваа единица.
Но, пред да си ги одмерат силите на гласачкото ливче, СДСМ побара, а ВМРО-ДПМНЕ прифати јавно соочување на ТВ-дебата. Иако ТВ-Нова ги емитува дебатните емисии во живо, за да може да им излезе во пресрет на сите политички актери кои сакаат да учествуваат, а во вечерните часови се зафатени со кампањи, до СДСМ испрати соопштение дека дебатната емисија ќе биде снимена во време кога му одговара а гостинот Пендаровски. И така беше. Дебатата беше снимена еден ден порано, а што видоа гледачите, симатизерите на двете најголеми партии во Македонија и неопределените гласачи? Празно столче спроти Никола Попоски.
Но, тоа и може да се очекува од несериозна партија, која го предаде и го понижи македонскиот народ, да настапи несериозно со несериозен и арогантен човек.
Ароганцијата на СДСМ нема мерило, особено ако се има предвид дека најголемата опозициска партија која отворено се залага и бара телевизиски дуели и соочувања за време на изборни кампањи, одби да седне на иста маса со претставници на владејачката партија, а освен тоа и испраќа соопштенија во кои безочно лаже. Носителот на изборната единица 1 на СДСМ, Стево Пендаровски, не се појави на дебатата со Никола Попоски, исто така носител во првата изборна единица, бидејќи бил презафатен со изборната кампања.
Од друга страна, ништо помалку не е арогантен и Пендаровски, зашто на митинзите им фрла прав во очи на граѓаните со несериозни досетки дека се „чувствувал осамен“, му избегале Груевски од ИЕ 1 и Попоски од студио.
Но, затоа столчето на трибините во салата „Борис Трајковски“ не остана празно. Сериозниот политичар Пендаровски избега од политичка дебата за да го проследи ракометниотнатпревар Металург – Татран Прешов.
Заложбите на СДСМ за телевизиски соочувања на кои во ТВ Нова секогаш сите партии имаат можност да ги искажуваат своите ставови и аргументи на разни теми, остануваат само празни зборови со оглед на тоа дека на сите покани упатени пред воопшто да започне предизборната кампања, одбија да одговорат и столчето во отвореното студио на ТВ Нова остануваше празно.
Република.мк